BAKI, 24 iyun — Sputnik. İran ərazisindən açılan atəş nəticəsində Türkiyənin Hakkari bölgəsində bir Türkiyə hərbçisi ölüb, daha bir nəfər isə yaralanıb. Sputnik Azərbaycan "Anadolu" agentliyinə istinadən xəbər verir ki, bu barədə Türkiyənin Müdafiə Nazirliyi məlumat verib.
"İyunun 23-ü Hakkari vilayətinin Yüksəkova sərhəd rayonunda aparılan kəşfiyyat və müşahidə işləri zamanı İran tərəfindən açılan atış nəticəsində iki hərbçimiz yaralanıb. Onlardan birinin həyatını xilas etmək mümkün olmayıb", - deyə məlumatda bildirib.