BAKI, 21 iyun – Sputnik. Oğuzun Xaçmaz və Filli kəndləri ərazisində güclü yanğın başlayıb.
Sputnik Azərbaycan-ın bölgə müxbirinin Oğuz Rayon Dövlət Yanğından Mühafizə İdarəsinə istinadla verdiyi məlumata görə, yanan ərazi bələdiyyəyə məxsusdur.
Yanğının 2 hektar ərazini əhatə etdiyi bildirilir. Ərazidə əsasən kol-kos və ağaclar yanır. Rayonda güclü külək olduğu üçün alovu söndürmək çətinləşib.
Yanğının söndürülməsinə Fövqəladə Hallar Nazirliyinin 4 yanğınsöndürən maşını və 30 nəfər canlı qüvvəsi cəlb edilib. Ərazi dağlı yer olduğundan, texnikanın hərəkəti çətindir.
Hazırda yanğının daha böyük əraziyə yayılmasının qarşısının alınması üçün tədbirlər davam etdirilir.