BAKI, 20 iyun — Sputnik. Taksilərdə 2 nəfərdən artıq şəxs olmamalıdır. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın brifinqində Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib. O bildirib ki, taksidəki sərnişinlər də mütləq şəkildə maskada olmalıdırlar: "Maskasız hərəkətə icazə verilməyəcək. Bu məsələni taksi sürücüləri və sərnişinlər nəzərə almalıdırlar. Avtomobildə şəffaf arakəsmələr də olmalıdır".