Musa Muradlı, Sputnik Azərbaycan
BAKI, 13 iyun – Sputnik. Bərdənin Oğlanbaba meşəsinə ildırım düşüb
Ötən gün Bərdə rayonunun ərazisində ildırım vurması hadisəsi qeydə alınıb. Sputnik Azərbaycan-ın bölgə müxbirinin verdiyi məlumata görə, ildırım Bərdə rayonunun Məmmədli kəndi ərazisindəki Oğlanbaba meşəsinə düşüb. Nəticədə irigövdəli ağacın bir hissəsi qopub.
Onu da qeyd edək ki, hadisə vaxtı kənd sakini Ədalət Camalovun təsərrüfatına da ziyan dəyib. Onun ağacın dibində olan iki qoyunu ildırım vurması nəticəsində tələf olub.