BAKI, 10 iyun — Sputnik. Azərbaycanda 9 və 11-ci siniflər üzrə buraxılış (qəbul) imtahanları başa çatıb.
Sputnik Azərbaycan xəbər verir ki, imtahanlar ölkənin 39 şəhər və rayonunda ümumilikdə 197 imtahan binası, 3 284 imtahan zalında keçirilib.
İmtahanların idarə olunmasına 197 ümumi imtahan rəhbəri, 538 imtahan rəhbəri, 4 266 nəzarətçi–müəllim, 393 buraxılışı təşkil edən əməkdaş, 197 bina nümayəndəsi cəlb olunub.
Qeyd edək ki, növbəti imtahan sabah keçiriləcək.