BAKI, 21 may — Sputnik. “Özünütəcrid pis şeydir, o, hər kəs üçün mənfi xüsusiyyətə malikdir”.
Sputnik Azərbaycan bildirir ki, bunu Rusiya Təhlükəsizlik Şurasının sədr müavini, “Vahid Rusiya” partiyasının lideri Dmitri Medvedev deyib.
Startup Village onlayn konfransında Medvedevdən özünütəcrid barədə fikirlərini soruşublar, o isə rəyini dörd tezislə bildirib.
“Təcrid – pisdir, özü də aydındır ki, o, hər kəs üçün pisdir. İkinci tezis – dövlət qulluqçuları təcrid olunmurlar, əks halda idarəetmə ilə kim məşğul olar?” – Medvedev deyib.
O, həmçinin dost və həmkarlarla ünsiyyətin azaldılmasını da mənfi məqam adlandırıb. Medvedevin sözlərinə görə, onlayn iş ünsiyyəti heç də həmişə məhsuldar olmur. Müsbət cəhət kimi isə siyasətçi ailə ilə keçirilən vaxtın artmasını göstərib.