Nigar İsgəndərova, Sputnik Azərbaycan
BAKI, 5 may — Sputnik. "Situasiya yenidən pisləşməyə doğru getsə, karantin qaydaları sərtləşdirilə bilər. Biz də karantin rejiminin yumşalmasını istəyirik. Qaydalara riayət edərək karantin rejimindən çıxmaq olar. Təəssüf ki, bugünkü gündə biz görürük ki, qaydalara riayət etmək istəmirlər. Rəqəmlər də bunu göstərir ki, karantin rejiminə əməl olunmur".
Sputnik Azərbaycan xəbər verir ki, bu barədə Nazirlər Kabineti yanında Operativ Qərargahın üzvü Yaqut Qarayeva bu gün jurnalistlər üçün təşkil olunan mətbuat konfransında deyib. O, rəqəmlərin azalması üçün hər kəsi maska taxmağa səsləyib.