Dünyanı cənginə alan koronavirus pandemiyası ucbatından əksər ölkələrdə karantin rejimi elan olunub.
Bir çox müəssisə və idarələr bu səbəbdən işlərin məsafədən görülməsinə üstünlük verirlər. Ümumilikdə, karantin rejimi bir növ ev rejimi deməkdir. Yəni, əhalinin əksəriyyəti yoluxmamaq və yoluxdurmamaq üçün evində otrumağa, çölə çıxmamağa məcburdur.
Təbii ki, vaxtlarını evdə keçirməyə məcbur olan insanlar nə iləsə də başlarını qatmalıdırlar. Bu yerdə onların köməyinə stolüstü, ev şəraitində, az adamla oynanıla bilən oyunlar gəlir. Məsələn, Azərbaycanda bu nərd, domino, loto və digər bu tipli oyunlardır.
Sputnik Azərbaycan dünyanın müxtəlif yerlərində insanların başlarını hansı oyunlarla qatdıqlarına dair fotolent hazırlayıb.