Koronavirusla mübarizə üzrə Operativ Qərargahın xüsusi karantin rejiminin sərtləşdirilməsi qərarından dərhal sonra Azərbaycanın bütün şəhərlərinin əsas küçə və prospektlərində postlar qurulub. Yol polisinin, post-patrul xidmətinin əməkdaşları və Daxili Qoşunların hərbçiləri gücləndirilmiş iş rejiminə keçiblər. Bu postlarda avtomobil sürücülərini, eləcə də onların sərnişinlərini xüsusi icazələrinin olub-olmamasına görə yoxlayırlar.
Təəssüflər olsun ki, xüsusi karantin rejiminin tələblərinə hələ də məhəl qoymayan vətəndaşlar tapılır. Belə şəxslər xüsusi qaydada polis tərəfindən məsuliyyətə cəlb edilirlər.
Daxili İşlər Nazirliyi, Nazirlər Kabineti yanında Operativ Qərargah, eləcə də Sputnik Azərbaycan vətəndaşları xüsusi rejimin tələblərinə riayət etməyə çağırırlar.