Türkiyə hökuməti Ankara və İstanbul da daxil olmaqla, 31 əyalətinin sakinlərinə şənbə və bazar günləri küçələrə çıxmağı qadağan edib. Bu barədə ölkənin Daxili İşlər Nazirliyi məlumat yayıb.
Komendant saatı yeni tip koronavirusun yayılmasının qarşısının almaq üçün görülən tədbirlər çərçivəsində tətbiq edilir.
Evdən çıxma qadağası aprelin 11-də gecə yarısından qüvvəyə minib və aprelin 13-ü gecə saat 00:00-dək davam edəcək.
Məhdudlaşdırıcı tədbir həmçinin ölkənin paytaxtı Ankaranı və Türkiyənin ən iri meqapolisini - İstanbulu da əhatə edir. Əyalətlərin qubernatorlarına müvafiq tədbirlərin görülməsi üçün tapşırıqlar verilib.
Cümə günü Türkiyə Səhiyyə Nazirliyi koronavirus infeksiyasından daha 98 ölüm halını təsdiqləyib və bununla ölkədə pandemiya qurbanlarının ümumi sayı 1006-a çatıb.
Komendant saatı tətbiq edilən əyalətlərin əhalisinin hakimiyyət orqanlarının qərarına necə reaksiya verdiyinə Sputnik Azərbaycan-ın fotolentində baxın.