BAKI, 8 aprel — Sputnik. Ölkədə 5 milyona yaxın tibbi maska ehtiyatı yaradılıb. Bu gün apteklərə 450 minə yaxın tibbi maska verilib. Sputnik Azərbaycan-ın məlumatına görə, bunu Nazirlər Kabinetinin Mətbuat Xidmətinin rəhbəri İbrahim Məmmədov bu gün Operativ Qərargahın brifinqində bildirib. Onun sözlərinə görə, gün ərzində 100 mindən artıq tibbi maska satılır: “Koronavirusla Mübarizə Fonduna, bu günə olan məlumata əsasən, 110 milyondan artıq vəsait toplanıb. Koronavirusla mübarizədə lazım olan, istifadə olunan tibbi vasitələr ölkəyə gətirilib, ölkədə tibbi maska istehsalına başlanılıb”.