BAKI, 5 aprel - Sputnik. Çin həkimlərinin statistikasına əsasən, koronavirusa yoluxmuş bir şəxs 5 sutka ərzində orta hesabla daha 2-3 nəfəri yoluxdura bilər. Bu barədə həmyerlimiz Nailə Əsgərzadənin "Rossya 1" kanalında nümayiş etdirilmiş "Təhlükəli virus" filmidən məlumat verilib.
Bir aydan sonra bir xəstə tərəfindən yoluxdurulanların sayı 400 nəfəri keçə bilər.
Qeyd olunur ki, bu ssenari yoluxdurucu şəxs tərəfindən ehtiyat tədbirləri görülmədiyi halda mümkündür.
Bu günədək dünyada 1 milyon 224 min 940 nəfər koronavirusa yoluxub, onlardan 66 min 502 nəfəri ölüb, 253 min 823 nəfəri isə sağalıb.