Musa Muradlı, Sputnik Azərbaycan
BAKI, 25 mart — Sputnik. Bu gün Bərdədəki iri supermarketlərdə - "Bolmart", "Bazarstore", "Araz" market filiallarında unun satışı dayanıb.
Satış təmsilçiləri Sputnik Azərbaycan-a bildiriblər ki, unun satışında yaranmış məhdudiyyət bu gündən yaranıb. Mağazalara unun gətirilməsi ilə bağlı sifarişlər göndərilsə də, təchizat ləngiyib. Unun nə zaman göndəriləcəyi ilə bağlı dəqiq məlumat yoxdur.
Başqa bir qıtlıq apteklərdə yaşanır. Koronavirusdan qorunmaq istəyənlər maska tapıb ala bilmirlər. Apteklərdən birinin satış təmsilçisi hər gün limitlə 50 ədəd maska aldıqlarını bildirsə də, bu gün ümumiyyətlə həmin qoruyucu vasitəni ala bilmədiklərini deyib.