BAKI, 11 mart — Sputnik. Təhsil naziri Ceyhun Bayramov koronavirusla əlaqədar məktəblərdə tədrisin dayandırılmasının müəllimlərin əməkhaqqına necə təsir edəcəyini açıqlayıb.
Sputnik Azərbaycan xəbər verir ki, nazir bu kimi hallarda işçinin günahı olmadan iş fəaliyyəti dayandırıldıqda qanunvericilikdə işçinin əməkhaqqısının ödənilməsi nəzərdə tutulub: "Bunu da qeyd edim ki, işçilərin əməkhaqqısının vaxtında hesablanaraq ödənilməsi dövlət başçısı tərəfindən müvafiq orqanlar qarşısında qoyulan ən vacib məsələdir. Ona görə də hesab edirəm ki, onların əməkhaqlarının ödənilməsi ilə bağlı heç bir problem olmayacaq".