BAKI, 10 mart — Sputnik. Dünyanın ən yaxşı məşqçilərinin yeni reytinq siyahısı açıqlanıb. Sputnik Azərbaycan "Clubworldranking"ə istinadən xəbər verir ki, 1000 mütəxəssisin adının yer aldığı cədvəldə Azərbaycanı təmsil edən yeganə məşqçi Qurban Qurbanov 1054 xalla 566-cı yerdə qərarlaşıb. O, ötən illə müqayisədə 7 pillə irəliləyib.
Qeyd edək ki, "Liverpul"un çalışdırıcısı Yurgen Klopp 15 min 846 xalla siyahıya liderlik edir. İkinci yerdə argentinalı mütəxəssis Marselo Qalyardo, üçüncü yerdə isə "Barselona"nın keçmiş baş məşqçisi Ernesto Valverde yer alıb.