BAKI, 10 mart — Sputnik. Amerika Birləşmiş Ştatları təlimlərdə iştirak etmək üçün radarlarda az görünən "B-2 Spirit" strateji bombardmançılarını Avropaya göndərib. Sputnik radiosu xəbər verir ki, bu barədə ABŞ Silahlı Qüvvələrinin Avropa Komandanlığı məlumat verib.
Qeyd olunur ki, təyyarələr Avropa Komandanlığının məsuliyyət zonasında müxtəlif hərbi obyektlərdə fəaliyyət göstərəcək.
RİA Novosti qeyd edir ki, bombardmançıların sayı açıqlanmır. Onlar bazar ertəsi Missuridəki aviabazadan Portuqaliyanın Azor adalarındakı aviabazaya uçub.
Atlantik okeanı üzərindən uçuş zamanı "B-2" təyyarələri "KC-10 Extender" yanacaqdoldurma təyyarələrinin köməyi ilə havada yanacaqla təmin olunub.
Bir müddət öncə Sputnik radiosu xəbər verib ki, Rusiya Xarici İşlər Nazirliyi ölkənin sərhədləri yaxınlığında təlim keçirməyi planlaşdıran NATO ölkələrini öz təcavüzkar hərəkətlərinin nəticələri haqda düşünməyə çağırıb.