BAKI, 9 mart — Sputnik. Dünya bazarlarında qızılın qiyməti rekord səviyyəyə qədər qalxıb.
Sputnik Azərbaycan xəbər verir ki, dünya bazarında sarı metalın qiyməti 8 illik rekordu yeniləyib. Qızılın bir unsiyası 2012-ci ildən bu yana olan ən yüksək həddə - 1703.1 dollara qədər bahalaşıb. Buna ilk növbədə dünyada neftin kəskin ucuzlaşması səbəb olub. İnvestorlar maliyyə bazarlarında təlatüm risklərini nəzərə alaraq, vəsaitlərini qızıla yatırmağa başlayıblar. Qızılın qalxmasında bütün dünyanı ağuşuna alan koronavirus da öz rolunu oynayıb.
“Goldman Sachs” sərmayə bankı qiymətlərin 1800 dollara qədər yüksələcəyini bildirib.