BAKI, 2 mart — Sputnik. Hazırda "Bakı Metropoliteni" Qapalı Səhmdar Cəmiyyətinin "Memar Əcəmi", eləcə də "Həzi Aslanov" istiqamətində bir neçə stansiyada sıxlıq müşahidə olunub, "20 Yanvar" stansiyasında isə qatarlar 20 dəqiqəyədək gözləyib.
"Bakı Metropoliteni" QSC-nin mətbuat katibi Bəxtiyar Məmmədov Sputnik Azərbaycan-a açıqlamasında metroda sıxlıq olduğunu təsdiq edib: "Texniki səbəblərdən maşinist qatara baxış keçirmək üçün "Memar Əcəmi" stansiyasında sərnişinləri düşürüb. Qatar stansiya dalanına verilib. Bunun əvəzində isə xəttə başqa qatar çıxarılıb".
"Həmin vaxt "Memar Əcəmi"dən "Nəriman Nərimanova" qədər 1 qatar xətdə olmadığı üçün iki qatar arasında interval iki dəfə artıq olub", - deyə o əlavə edib.