BAKI, 2 mart — Sputnik. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan "ASAN xidmət" mərkəzlərində kəskin respirator virus infeksiyalarının yayılmasının qarşısının alınması məqsədilə tədbirlər davam etdirilir.
Sputnik Azərbaycan xəbər verir ki, bu tədbirlər çərçivəsində mərkəzlərdə dezinfeksiya işləri həyata keçirilib. Dezinfeksiya işləri üçün xüsusi dərman məhlullarından istifadə olunub.
Müvafiq işlər "ASAN xidmət" mərkəzlərində qeyri-iş saatlarında həyata keçirilib.