BAKI, 1 mart - Sputnik. Ankarada Sputnik Türkiyə-nin əməkdaşlarına hücum edilməsi, həmçinin jurnalistlərin saxlanılması onların hüquqlarının kobud şəkildə pozulmasıdır. Bu barədə Rusiya XİN İnformasiya və mətbuat departamentinin şərhində deyilir.
Daha öncə məlum olub ki, dünən axşam saatlarında Sputnik Türkiyə-nin əməkdaşlarının yaşadıqları mənzilə bir qrup naməlum şəxs hücum etməyə cəhd edib. Naməlum şəxslər əməkdaşların ünvanına hədə-qorxular səsləndirərək onlardan peşə fəaliyyətlərinə son qoymağı tələb ediblər.
XİN-in məlumatına əsasən, hücumun qurbanları hüquq-mühafizə orqanları tərəfindən saxlanılıblar, onlarla əlaqə yaratmaq mümkün olmayıb.
"Türkiyə hakimiyyətini hadisəyə müdaxilə edərək Rusiya KİV-nin nümayəndələrinin təhlükəsizliyini təmin etməyə və baş verənlərin detallarının aydınlaşdırılmasında yardımçı olmağa çağırırıq", - Rusiya XİN-in şərhində deyilir.
Öz növbəsində Dövlət Dumasının beynəlxalq işlər üzrə komitəsinin rəhbəri Leonid Slutski Ankarada yaranmış vəziyyətin yolverilməz olduğunu bildirib.
"İstənilən vəziyyətdə hüquqi yolla hərəkət etmək polisin radikal elemenlərin bu hiddətləndirici hərəkətlərinə qiymət verməsini gözləmək lazımdır", - komitə sədri deyib.
Slutski əmindir ki, Sputnik-in əməkdaşlarının müdafiəsi üçün tələb olunan tədbirlər görüləcək.