BAKI, 27 fevral — Sputnik. Çində koronavirusun yeni ştammına yoluxanların sayı 78 min 432-yə satıb.
Sputnik Azərbaycan RİA Novosti-yə istinadən xəbər verir ki, bu barədə Çin Xalq Respublikasının Gigiyena və Səhiyyə məsələləri üzrə Dövlət Komitəsinin məlumatında deyilir.
Məlumata görə, koronavirusa yoluxanlardan 2744 nəfər ölüb, 32 495 nəfər isə sağalıb.
Çin hökuməti 2019-cu il dekabrın 31-də Ümumdünya Səhiyyə Təşkilatını (ÜST) Hubey əyalətinin Uhan şəhərində naməlum sətəlcəm xəstəliyinin yayılması barədə məlumatlandırıb. Mütəxəssislər xəstəliyin törədicisinin yeni növ koronavirus olduğunu müəyyən ediblər.
ÜST bu xəstəliyin yayılmasını beynəlxalq əhəmiyyətli fövqəladə hal kimi tanıyıb.