BAKI, 27 fevral — Sputnik. Birləşmiş Ştatlar Rusiya və Çin qarşısında üstünlüyünü itirib. Sputnik Azərbaycan "RİA Novosti"-yə istinadən xəbər verir ki, bunu Birləşmiş Ştatların Silahlı Qüvvələrinin Baş Qərargahlarının rəisi Mark Milli bildirib.
Milli vurğulayıb ki, Birləşmiş Ştatlar hələ də müharibələrin qarşısını almağa və hücumdan müdafiə olunmağa, həmçinin müttəfiqləri dəstəkləməyə və öz potensial düşmənlərinə müharibə etməyə hazırdır.
"Lakin bizim rəqabətə davamlı üstünlüyümüz pozulub, buna dair heç bir şübhə yoxdur", - deyə Milli qeyd edib.
Amerikalı hərbçi hesab edir ki, Rusiya və Çin ABŞ və müttəfiqlərini ötmək və bütün dünyada nüfuzlarını təmin etmək üçün öz hərbi imkanlarını gücləndirir.