BAKI, 17 fevral — Sputnik. Braziliya karnavalın başlanmasına cəmi 4 gün qalıb. Sputnik Azərbaycan Rusiya mətbuatına istinadla xəbər verir ki, artıq San-Paulo şəhərini samba ritmləri bürüyüb.
Şəhər mərkəzində piyada keçidləri hazırlanıb. Minlərlə insan parada rəngli geyimlərlə çıxıb. Braziliyanın başlıca karnavalı bu cümə günü Rio-de-Janeyroda başlayacaq və beş gün davam edəcək.
Ən yaxşı samba məktəbləri bu tədbirə il boyu hazırlaşırlar. Şouya yüz minlərlə turist gəlir.
Karnavaldan dərhal sonra Braziliyada Böyük pəhriz başlayır.