BAKI, 14 fevral — Sputnik. Göyçayda iki nəfər itkin düşüb.
Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, onlardan biri Göyçay rayonu Potu kənd sakini, 1997-ci il təvəllüdlü Ramiz Hacıyev dir.
Ramiz Hacıyev yanvarın 16-da yaşadığı evdən çıxaraq bir daha geri qayıtmayıb. Evdən çıxarkən əynində cins şalvar, qırmızı köynək və qara rəngli gödəkcə olub.
Digər itkin düşən şəxs isə Göyçay şəhər sakini, 1974-cü il təvəllüdlü Tərlan İsgəndərovdur. O, fevralın 3-də yaşadığı evdən çıxaraq bir daha geri qayıtmayıb. Evdən çıxarkən əynində tünd yaşıl rəngli gödəkcə, cins şalvar və qara rəngli ayaqqabı olub.
Şəkildə gördüyünüz şəxsləri tanıyanlardan və barəsində məlumatı olanlardan DİN-in "102 Zəng Mərkəzi" Xidmətinə, həmçinin Göyçay Rayon Polis Şöbəsinə 020-274-42-91 şəhər və (050) 774-04-91 mobil nömrələrinə zəng vuraraq məlumat vermələri xahiş olunur.