Musa Muradlı, Sputnik Azərbaycan
BAKI, 9 fevral — Sputnik. Bu gün ölkə üzrə keçirilən parlament seçkilərində Xankəndi seçiciləri də respublikamızın müxtəlif bölgələrində yaradılmış seçki məntəqələrinə gələrək səsvermə hüquqlarından istifadə ediblər.
Bərdə və Tərtər rayonlarında yaşayan xankəndili seçicilər isə səsvermə hüquqlarını Bərdə şəhərində, Mərkəzi Rayon Xəstəxanasının ərazisində yaradılmış 122 saylı Xankəndi seçki dairəsinin 8 saylı məntəqəsində reallaşdırıblar.
Sputnik Azərbaycan-a məntəqə seçki komissiyasının sədri Rövşən Abbasov bildirib ki, məntəqə üzrə 301 seçici var. Seçki prosesini yeddi müşahidəçi izləyir.