Rahim Muradov, Sputnik Azərbaycan
BAKI, 9 fevral — Sputnik. Lənkəranda 8:00-dan başlayaraq seçicilər səs verməyə başlayıblar. Sputnik Azərbaycan-ın verdiyi məlumata əsasən, Lənkəran rayonunda seçkilər 4 dairə seçki komissiyasını əhatə edən 153 seçki məntəqəsində keçirilir. Bunlar 73 saylı Lənkəran şəhər, 74 saylı Lənkəran kənd, 75 saylı Lənkəran-Masallı və 76 saylı Lənkəran-Astara dairələridir.
Səsvermənin şəffaf və demokratik keçirilməsi üçün bütün məntəqələrdə lazımi şərait yaradılıb. Hərəkət əngəlli seçicilərin səsvermədə iştirakını təmin etmək məqsədi ilə panduslar quraşdırılaraq məntəqələrə paylanıb. Qeyd edək ki, Lənkəran üzrə ümumilikdə 148 min 295 nəfər seçici səsvermə hüququna malikdir. Bu gün 4 dairədə 32 nəfər deputatlığa namizəd 4 yer uğrunda mübarizə aparır.