BAKI, 5 fevral — Sputnik. Xızıda oğurluq edən şəxs saxlanılıb. Sputnik Azərbaycan Daxili İşlər Nazirliyinin Mətbuat Xidmətinin Quba regional qrupundan verilən məlumata istinadla xəbər verir ki, Xızı Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Yeni Yaşma kəndi ərazisindən Sumqayıt şəhər sakini Rüfət Sadıqova məxsus "Niva" markalı avtomobili qaçırmaqda və Yaşma qəsəbəsi ərazisində Qobustan rayon sakini İlqar Məmmədovun otardığı 40 baş keçini soyğunçuluq yolu ilə aparmaqda şübhəli bilinən qəsəbə sakini Emin Sadıqov saxlanılıb.
Saxlanılan şəxs ifadəsində törətdiyi əməllərini etiraf edib.
"Niva"nı apardı, 40 keçini də yedəyinə aldı - FOTO
© AR Ministry of Internal Affairs
Faktla bağlı Xızı RPŞ-nin İstintaq Qrupunda araşdırmalar aparılır.