BAKI, 25 yanvar — Sputnik. Suriya hökumət qüvvələri Türkiyə və İraqla sərhədin böyük bir hissəsinə nəzarəti bərpa edib.
Sputnik Azərbaycan "RİA Novosti"-yə istinadən xəbər verir ki, bunu Rusiyanın Xarici İşlər naziri Sergey Lavrov bildirib.
"Vəziyyət yaxşılaşır, terrorçuların nəzarət etdiyi ərazilərin miqyası azalmağa davam edir. Təbii ki, İdlib zonası, həmçinin ölkənin şimal-şərqində terror qruplaşmalarının qalıqlarının zərərsizləşdirilməsi işlər aparılır", - deyə Lavrov BMT-nin Suriya üzrə xüsusi təmsilçisi Qeyr Pedersonla görüşdən əvvəl bildirib.