Şahpəri Abbasova, Sputnik Azərbaycan
BAKI, 23 yanvar— Sputnik. Bu gün axşam saatlarında Qax rayonun Qaxbaş kəndində hadisə baş verib. Kənd sakini, 17 yaşlı Rövşən Kamran oğlu Qurbanov yaşadığı evin vanna otağında dəm qazından zəhərlənib. R.Qurbanov yaxınları tərəfindən Qax Rayon Mərkəzi Xəstəxanasına aparılarkən yolda keçinib.
Mərhumun meyidi müayinə olunmaq üçün məhkəmə tibb ekspertizasına verilib. Baş vermiş hadisə ilə bağlı araşdırma aparılır.