BAKI, 20 yanvar — Sputnik. Rusiyanın Perm şəhərində mini oteldə isti su borusunun partlaması nəticəsində beş nəfər ölüb. Bu barədə Sputnik Azərbaycan "RİA Novosti"-yə istinadən xəbər verir ki, hadisə "Karamel" adlı mini oteldə baş verib.
Rusiya FHN-nin yaydığı video görüntülərdə ətrafa sıx buxarın yayıldığı görünür. Oteldən isti su çəkildikdən sonra beş nəfərin cəsədi aşkarlanıb.
Səhiyyə Nazirliyinin regional bölməsinin xəbərinə görə, hadisə nəticəsində xəsarət alan daha üç nəfər xəstəxanaya yerləşdirilib. İnsidentin qarşısını alan zaman iki xilasedici də xəsarət alıb. Onların xəstəxanaya yerləşdirilməsinə ehtiyac olmayıb.