Balakən sakini Əfqan Rəhmanov əmindir ki, 2 simi və 5 ladı olan qədim və arxaik formasını qoruyub saxlamış tambur musiqi aləti deyil.
Onun sözlərinə görə, tambur ifaçısı bədahətən söz demək bacarığına sahib olmalıdır.
“Tambur ifaçısı düşdüyü mühitə uyğun, oranın ab-havasına uyğun haylalar söyləməlidir. Bu gün barmaqla sayılacaq qədər tamburçu var”, - deyə musiqiçi bizimlə bölüşüb.
Tarix üzrə fəlsəfə doktoru Asif Məmmədli isə düşünür ki, tamburun dili ilə bir millətin min illər boyu keçdiyi yolu, mübarizəsi, acısı və itkisi ifa olunur. Təəssüf ki, bu musiqi alətinin sirlərini öyrənmək istəyənlərin sayı, ümumiyyətlə tamburun populyarlığı getdikcə azalır.