BAKI, 13 yanvar — Sputnik. Məşhur "Youtube" sosial şəbəkəsi müğənni Üzeyir Mehdizadəyə "Qızıl buton" göndərib.
Sputnik Azərbaycan xəbər verir ki, buna səbəb sənətçinin "Youtube"da izləyicilərinin sayının 1 milyonu ötməsi olub. Azərbaycanda ilk dəfə sözügedən mükafatı alan şəxs məhz Üzeyir olub.
Bu haqda müğənni öz "Instagram" profilində paylaşım edib: "Uğurlarımıza sevinən hər kəsi təbrik və təşəkkür edirəm. Azərbaycana ilk dəfə "Youtube"dan "Qızıl buton" gəldi. Uğurlarımızın davamı gəlsin. Həqiqət bizimlə olsun", - deyə sənətçi bildirib.
Qeyd edək ki, Üzeyir Mehdizadənin 2014-cü ildə ifa etdiyi "Yaxşı olar" mahnısı sosial şəbəkədə qısa müddətdə 110 milyondan artıq baxış sayı toplayıb.