Leyla Abdullayeva, Sputnik Azərbaycan
BAKI, 11 yanvar — Sputnik. Azərbaycanın şimal bölgəsi yenə ağ örpəyə bürünüb. Sputnik Azərbaycan-ın verdiyi məlumata görə, dünən gecədən yağmağa başlayan qarın hündürlüyü 8-9 sm-ə çatır.
Xınalıq və Qrız kəndində gecə saatlarında mövsümün ən şaxtalı hava şəraiti müşahidə olunub. Bu səbəbdən Xınalıq kəndinin suları donub və insanlar su problemindən əziyyət çəkirlər.
Quba Ərazi Hidrometeorologiya Müəssisəsinin məlumatına görə, Qubanın Qrız kəndində 12 dərəcə şaxta qeydə alınıb. Ən çox qar isə Qusarın Ləzə kəndinə düşüb.
Onu da qeyd edək ki, hazırda qarın yağması hələ də davam edir.