BAKI, 7 yanvar — Sputnik. İstanbulda davam edən qeyri-sabit hava nəticəsində 108 binanın dam örtüyü uçub. Sputnik Azərbaycan xəbər verir ki, bu barədə İstanbul Böyükşəhər Bələdiyyəsinin yaydığı məlumatda bildirilir.
Məlumatda qeyd edir ki, iki gündür davam edən yağış nəticəsində yol nəqliyyat hadisələrinin sayı artıb. Belə ki, bu günlər ərzində bir kvadratmetr əraziyə təxminən 100 mm yağıntı düşüb. Ümumilikdə daşqın ehtimalı ilə bağlı 61 obyekt evakuasiya edilib. Güclü külək nəticəsində 3 istinad divarı və 128 ağac aşıb.