BAKI, 7 yanvar — Sputnik. Bakıda sərnişin avtobusu ilə yük maşını toqquşub.
Sputnik Azərbaycan "Report"a istinadən xəbər verir ki, hadisə paytaxtın Binəqədi rayonunun Biləcəri qəsəbəsində qeydə alınıb.
202 saylı marşrut xətti ilə hərəkət edən sərnişin avtobusu çörək daşıyan yük maşını ilə toqquşub. Nəticədə avtobusda olan sərnişinlər arasında xəsarət alanlar var. Qəza səbəbindən ərazidə tıxac yaranıb.
Faktla bağlı araşdırma aparılır.