BAKI, 4 yanvar — Sputnik. Aktrisa Kameron Diaz ilk dəfə ana olub. Sputnik Azərbaycan bildirir ki, bu barədə aktrisa Instagram hesabında yazıb.
47 yaşlı aktrisa və "Good Charlotte" rok qrupunun gitaraçısı Benci Meddenin qızları doğulub. Ona Reddiks adı verilblər. Diaz yazıb ki, uşağının şəklini paylaşmaq, eləcə də digər təfərrüatları yazmaq niyyətində deyil, amma bildirmək istəyir ki, qızcığaz, doğrudan da, çox qəşəngdir.
Kameron Diazla Benci Medden 2015-ci ilin yanvarında evləniblər. Təntənəli mərasim aktrisanın Los-Ancelesin prestijli rayonu olan Beverli-Hillsdəki malikanəsində baş tutub. Həm Diaz, həm də Medden üçün bu nikah birinci olub.