BAKI, 28 dekabr — Sputnik. Azərbaycanı 2011-ci ildə "Avroviziya" musiqi yarışında təmsil edən müğənni Nigar Camal futbolçu qızı Jasminlə bağlı maraqlı paylaşım edib.
Sputnik Azərbaycan xəbər verir ki, onun "Instagram" hesabında yayımladığı görüntülərdə qızının topla etdiyi peşəkar futbol fəndləri izləyicilərin diqqətini çəkib. Videodan göründüyü kimi, Jasmin AZTV-nin həyətində topla hərəkət edir.
Jasmin hazırda peşəkar futbolla məşğul olur. Onun hədəfi "Çelsi"nin qızlardan ibarət komandasında çıxış etməkdir.
Qeyd edək ki, Nigar Camalın Səidə və Jasmin adlı qız övladları var. Onlar hər ikisi Londonda yaşayır və orada təhsil alırlar.