BAKI, 20 dekabr — Sputnik. Azərbaycanda 61 yaşlı qadın hamamda ölü tapıldı.
Hadisə Qusar rayonunun Gədəzeyxur kəndində baş verib. Sputnik Azərbaycan-ın verdiyi məlumata görə, kənd sakini, 1958-ci il təvəllüdlü Sveta Dünyaməddin qızı Vəlixanovanı qızı hamamda ölü vəziyyətdə tapıb. S.Vəlixanovanı ailə üzvləri dərhal Qusar rayon Mərkəzi Xəstəxanasına çatdırsalar da, artıq o, dünyasını dəyişibmiş. İlkin ehtimala görə, qadının dəm qazından zəhərləndiyi bildirilir.
Qusar rayon Prokurorluğunda 61 yaşlı qadının həqiqətən dəm qazından zəhərlənib-zəhərlənmədiyi araşdırılır.