BAKI, 17 dekabr — Sputnik. Ukrayna Prezidenti Vladimir Zelenski öz "Instagram" səhifəsində Bakıda çəkilən foto yerləşdirib. Sputnik Azərbaycan xəbər verir ki, fotoda Azərbaycan və Ukraynanın bayraqlarının əks olunduğu Baku Expo Mərkəzinin elektron tablosu yer alıb.
"Bakı. Rəsmi səfər. Qeyri-rəsmi foto", - deyə Ukrayna prezidenti öz rəsmi hesabında yazıb.
Qeyd edək ki, bu gün Azərbaycan Respublikasının Prezidenti İlham Əliyevin və Ukraynanın Prezidenti Vladimir Zelenskinin təkbətək görüşü olub.