BAKI, 12 dekabr — Sputnik. Rusiyada uzun illərdir ki, axtarışda olan şəxsin mumiyalanmış cəsədi tapılıb.
Sputnik Azərbaycan Türkiyə mətbuatına istinadla xəbər verir ki, Rusiya kəşfiyyatının axtardığı və iki ildir ki, haqqında məlumat olmayan şəxsin Kazanda bir evdə mumiyalanmış cəsədi tapılıb.
59 yaşlı kişinin cəsədi qızı tərəfindən aşkar edilib. İki ildir ki, atası ilə görüşə bilməyən qız Kazandakı evlərinə gəldiyi zaman dəhşətli qoxu hiss edib. Yataq otağına gedən zaman qızı atasının mumiyalanmış cəsədini aşkarlayıb. Qız bu barədə polisə məlumat verib.
Hazırda mumiyalanmış şəxsin kimliyi müəyyənləşdirilib. Şəxsin kim tərəfindən mumiyalandığı hələ müəyyən edilməyib. Araşdırma zamanı mumiyanın olduğu evin 3500 dollar kommunal borcu olduğu da ortaya çıxıb.