90-cı illərdən bu günə qədər bütün dünyada təxminən 3000-ə yaxın jurnalist peşə fəaliyyətinə görə qətlə yetirilib. Bu gün Sputnik Azərbaycan Multimedia Mətbuat Mərkəzində təşkil edilən mətbuat konfransında da məhz informasiya təhlükəsizliyi və jurnalistlərin şəxsi təhlükəsizliyi müzakirə edilib. Azərbaycan Jurnalistlərinin Həmkarlar İttifaqının sədri Müşfiq Ələsgərli ölkəmizdə bu məsələnin necə təşkil edildiyindən danışıb və əlavə olaraq seçilmiş yerli jurnalistlərə beynəlxalq mətbuat kartlarını (IPC) paylayıb. Qeyd olunub ki, bu kartlar bütün dünya üzrə jurnalistlərin işini olduqca rahatlaşdıran mexanizmlərdən biridir.