BAKI, 1 dekabr – Sputnik. ABŞ-ın Cənubi Dakota ştatında birmühərrikli "Pilatus PC-12" təyyarəsi qəzaya uğrayıb.
Sputnik Azərbaycan-ın "RİA Novosti"yə istinadən verdiyi məlumata görə, Çemberlen şəhərindən havaya qalxan təyyarənin göyərtəsində 9 nəfər həlak olub. Ölənlər arasında pilot və iki uşaq var.
Bildirilir ki, təyyarədə 12 nəfər olub. Daha 3 nəfər yaralanıb.
Qəzanın səbəbi barədə məlumat verilmir. Amma hadisə baş verən zaman ətraf ərazilərdə güclü külək barədə xəbərdarlıq olub.