BAKI, 27 noyabr — Sputnik. "Twitter" Administrasiyası son altı ay ərzində aktiv olmayan hesabları 11 dekabr 2019-cu ilə qədər ləğv edəcək. Sputnik Azərbaycan "The Verge" nəşrinə istinadən xəbər verir ki, müvafiq bildiriş artıq istifadəçilərə göndərilib.
Qeyd olunur ki, ləğv etmə prosesi bir neçə ay davam edəcək.
Şirkət, həmçinin vurğulayıb ki, ləğv olunan hesabların xatirəsinin əbədiləşdirilməsinin yollarını axtarır.