C qrupunun Frankfurtda keçirilmiş oyunu 6:1 Almaniyanın xeyrinə başa çatıb. Meydan sahiblərinin heyətində Serj Qnabri het-trik edib (19,47, 60-cı dəqiqələr), Leon Qoretska iki (43, 73), Yulian Brandt isə bir qol (90+1) vurublar. Məğlublarda qolu Maykl Smit (7) vurub.
Bu qrupun digər oyununda Niderland yığması evdə Estoniyanı darmadağın edib - 5:0.
C qrupunda yekun vəziyyət belədir: 1. Almaniya - 21 xal, 2. Niderland - 19, 3. Şimali İrlandiya - 13, 4. Belarus - 4, 5. Estoniya - 1.
Almaniya və Niderland yığmaları birbaşa AVRO-2020-nin final mərhələsinə çıxıblar.