BAKI, 15 noyabr — Sputnik. Almaniyadan ölkəmizə 61 nəfər Azərbaycan vətəndaşı geri qaytarılıb. Bu barədə Sputnik Azərbaycan-a Azərbaycan Dövlət Miqrasiya Xidmətinin İctimaiyyətlə Əlaqələr İdarəsindən məlumat verilib. Məlumatda bildirilir ki, "Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında" sazişin icrası çərçivəsində noyabrın 14-də Almaniyadan Azərbaycana çarter reysi ilə 61 nəfər Azərbaycan vətəndaşının readmissiyası (geri qaytarılması) həyata keçirilib. Onların 22 nəfəri kişi, 18-si qadın, 21-i uşaq olub.