Eldar Tanrıverdiyev, Sputnik Azərbaycan
BAKI, 14 noyabr - Sputnik. Azərbaycan Prezidenti İlham Əliyev Dünya Dini Liderlərinin II Bakı sammitində Qafqaz Müsəlmanları İdarəsinin sədri, Şeyxülislam Allahşükür Paşazadəyə “Heydər Əliyev” ordenini təqdim edib.
Sputnik Azərbaycan xəbər verir ki, Allahşükür Paşazadəyə “Heydər Əliyev” ordeni Dünya Dini Liderlərinin II Bakı Sammiti çərçivəsində təqdim olunub.
Xatırladaq ki, Prezident İlham Əliyev Şeyxülislam Allahşükür Paşazadənin “Heydər Əliyev” ordeni ilə təltif edilməsi haqqında Sərəncam imzalayıb.
Sərəncamda qeyd olunur ki, Azərbaycan Respublikasında dövlət-din münasibətlərinin formalaşması, milli həmrəyliyin və mənəvi-əxlaqi dəyərlərin bərqərar olması sahəsində xüsusi xidmətlərinə görə Şeyxülislam Allahşükür Paşazadə “Heydər Əliyev” ordeni ilə təltif edilir.