BAKI, 13 noyabr — Sputnik. "Facebook" şirkəti ödəniş sistemi yaratdığını elan edib. Sputnik Türkiyə xəbər verir ki, yeni sistem "Facebook Pay" adlanır.
Məlumata əsasən, bu sistemə "Facebook", "Messenger", "Instagram" və "Whatsapp" vasitəsilə daxil olmaq və ödəniş etmək mümkün olacaq.
Xidmət bu həftə ABŞ-da istifadəyə veriləcək. Digər ölkələr üçün isə bu sistemin nə vaxt aktivləşəcəyi bəlli deyil.