BAKI, 8 noyabr — Sputnik. Röya Ayxan yeni layihəsini təqdim edib.
Sputnik Azərbaycan xəbər verir ki, Xalq artisti bu dəfə Əməkdar artist Ədalət Şükürovun repertuarına müraciət edərək "Dedin, yox" mahnısını ifa edib. Sözləri və musiqisi Şükürova məxsus bəstəyə kiçik dəyişiklik edilərək şeir əlavə olunub.
Xalq artisti sözügedən bəstəni ekranlaşdırmaq üçün rejissor Fərhad Əliyə müraciət edib, klipin çəkilişləri Bakıda baş tutub. Sözügedən layihə Röya Ayxanın "YouTube" səhifəsində yayımlanıb.
Qeyd edək ki, Ə. Şükürov "Dedin, yox" mahnısını 2014-cü ildə ifa edib.