BAKI, 7 noyabr — Sputnik. Ötən gecə, saat bir radələrində Sabunçu rayonunun Maştağa qəsəbəsinin Qayaüstü adlanan (Nardaran yolu) ərazisində avtomobil qaz xəttinə çırpılıb. Bu barədə "Azəriqaz" İstehsalat Birliyindən Sputnik Azərbaycan-a məlumat verilib.
Qaz xəttinə çırpılan avtomobil yandı - FOTO
© © Azerigaz CJSC
Bildirilib ki, nəticədə qaz tənzimləyicisinin 76 mm diametrində siyirtməsi qırılıb və digər qaz xətti üzərindəki qurğulara ziyan dəyib. Qaz sızmasının qarşısı dərhal alınıb. Təmir prosesi zamanı abonentlərə digər qaz xətti vasitəsilə qazın verilişi təmin olunub.