BAKI, 30 oktyabr — Sputnik. Moskvada Voykovsk rayonunda yerləşən məktəblərdən birində məktəbli sinfə travmatik tapança gətirib və atəş açıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Daxili İşlər Nazirliyinin Moskva üzrə Baş İdarəsi məlumat yayıb.
Tapança şagirddən alınıb, ona qarşı inzibati hüquq pozuntusu faktı üzrə protokol imzalanıb. İdarədən bildirilib ki, silah şagirdin atasına məxsus olub.
Qeyd olunur ki, insident nəticəsində xəsarət alan olmayıb.